ياليل

ياليل ليّلْ يافجر لا تطلّ     خلي نجومك ناطرة حدّي

ويا عتم غطيني ويازهـر الفـلّ  خلـيـك لــراس الحـلـو مـخــدّة

غفيـنـا ســوا وأحلامـنـا بتـغـلّ  يـا سمـا ودّي ويـا أرض ودّي

ياريتنـي بضـلّ وحبيبـي يـضـلّ  غافي ع زندي الخدّ عـا خـدّي

ونبقى سوا عشاق فوق مطـل  ّالضيعة ... وغير هَيْكْ ما بدّي

وياريـت لا فـلّ الهـوى ولا فـلّ  وقت المحبة من سنين العمـر

Love letter

انا المحشش وانتي السيكارة 

انا الشقه وانتي العمــاره

انا النار وانتي الدخــااان

انا الزلزال وانتي البركــااان

انا بدونك بـضيــع

انا بدونك بالشوارع بـصيــع

انا بدونك متل الخروف من غير قطيــع

انا بدونك حمام من غير سيفــووون

انا بدونك بيروت من غير هاف مــووون (half moon)

انا الكهرباء وانتي الليت

وانا مارق مريت جمب ابواب البيت

شو عندك عند ابواب البيت .؟؟؟

عشان الك حنيــت

انا روميو وانتي جولــييت

انا الفار وانتي الجبــنيت

انا سوبرمان وانتي طيــارته

انا باتمان وانتي سيــارته

انا عشانك اشتغل تاكسـي

انا الميراندا وانتي الببسـي

انتي القشطه وانا الزيتــون

انتي نعناعه وانا ليمــون

انتي الجزيره وانا سبيس تــون

انتي بومبا وانا تيمــون

انتي العراق وانا صـدام

انتي الهند وانا الافــلام

انتي الشكمان وانا الصّـدام

انتي جحا وانا ... مبارك (7marik)

انتي القمر وانا الشمس

انتي اليوم وانا الامس

انتي الصوت وانا الهمس

انتي الباب وانا المفتــاح

انتي الضفدعه وانا التمســاح

انتي الزيت وانا المكينــه

انتي التلفون وانا الكبينــه

انتي البيت وانا السطــوح

انتي الفؤاد وانا الــروح

انتي الثلاجه وانا الفريــون

انتي الريموت وانا التلفزيــون

انتي السماعه وانا التلفــون

انا من غيرك ما اعرف مين اكــون

بحبك - je t'aime - i love you -

عيونها

عشقت العيون العاشت بأسرارها

أيام عمري... اسرارها بتذكارها

وماضل ياهالقلب من ذكرى العيون

إلا الجروح الَي انكوت بـ نارها

قابلت شقرة مكحلين عيونها

كحل ليلة عتم بـ كانونها

ومن وقتها تمنيت مايطل الصباح

تاضل عايش بـ ليالي عيونها

يا حلو

يا حلو... يا ناطر ع مفرق دربْ      قلبي معـك ... لا تلوّعـو بيكفيـه
مخبّـيـك فــي عـبّـو دلال الـحـبّ      عن كلّ هالدنيي الهـوى بيغنيـه
إغـرق بحبّـي ... بحلّفـك بالـربّ      وضلّك بقلبي ... ندرغل غنانيـه
وخلّيك جوّاتـو ... غرامـو غـبّ     بيكبـر إذا بيعطيـك ... أو تعطيـه

Mjanin...

Ya rayt enti w ana net7awwal mjanin
Nehroub 3a ghorbi... w ma3i sentayn 5alliki

W neskoun bi ghorfi baradiha men l yasmin...
W nfrouch darajha wared w 3layh machikii

W bel chawb hawwi 2elik bi jwane7 7ssassin
W bel bared 5alli jammer albi.... ydaffiki

W kel ma 3layki tna2waz....l belbol l charbin
2ella bcharchaf l ghireh.... ma.... bghattiki

W 3al ard rabbel sama bre7lit siba w snin
Ma 7ab metlik metel ghayrik ywaddiki

Jabalik b5amr w 3assal mech min may w tin
W 7abassik bsawti sada w mamnou3 ghanniki

W addaych 5alfi rakad 3echa2 w m7ebbin
W rachou doumou3 w rassayel 3a chababiki

Traktoun li2anni 3le2t bi 3younik l 7elwin
Dayya3et kell l deni w l2aytha fikiii :)

ياريت إنتي وأنـا منتحـوّل مجانيـن ...................... و نهرب عا غربه ومعي سنتين خلّيكـي
و نسكن بغرفة بـراديها مـن الياسميـن ...................... و إفرش درَجهـا ورد و عليـه مَشّيكـي
و بالشوب هوِّي إلِك بجوانح حساسيـن ...................... و بالبـرد خلّـي جمـر قلـبـي يدفيـكـي
و كلّ ما تنقـوز عليكـي بلبُـل الشربيـن ...................... إلا بشرشـف الغيـرة مـا بغطيـكـي
و يمرق ملاك النعس عا رمـوش دبلانيـ ...................... و إفرش زنودي و عا وعد الشـوق غفّيكـي
و تنزل عا وجهك خُصل شعـرات مشقريـن ...................... و إعطش لثغـرك و مالـي قلـب و عّيكـي
و عا الأرض رب السما برحلة صبا وسنين ...................... مـا حـب متلـك متـل غيـرك يودّيكـي
جَبْلِكْ بخمر وعسل مش من مي وطين ...................... و حَبْسِكْ بصوتي صدى و ممنوع غنيكي
وقدّيش ! خلفي ركض عشاق و محبّين ...................... و رشو دموع و رسايـل عـا شبابيكـي
تركتُن لأني غرقِت بعيونـك الحلويـن ...................... و ضيّعـت كـل الدنـي و لقيتهـا فيـكي




{By the great Moussa Zgheib}

zajal... with a twist

This type of zajal is called m5ammas mardoud ( مخمس مردود ) it is a bit old but BEAUTIFUL



سلاحين بعينيكي الخضر ...... ب عين سيوف وعين رماح
سلاح الأول رمح الخضر ........ وسيف الحيدر تاني سلاح


------------------------------------


يكـــون الحب بنـار بْـــــريد ........ تقيد وعـود بشوق عيون
عيون بشوق وعــــود تقيد ........ بريـــد بنــار الحـــب يكون
برمّاحين وجفــــن وجْيْـــد ........ تصيد العين ..الموت يهون
يهون الموت .. العين تصيد ....... بجيـــدين ورمّـــــاح وجفن
..................... وجفنين وجيد ورمّاح ...................




سلاحين بعينيكي الخضر ...... ب عين سيوف وعين رماح
سلاح الأول رمح الخضر ........ وسيف الحيدر تاني سلاح


------------------------------------


ب سْكْر الفكر المغنى طاب ........ شــــاب المنبر داخ الفكــــر
داخ الفــكر المنبـــر شـــاب ........ طاب المغنى ب سكر الفكر
بمفتـــاحين وغـــال وبــــاب ........ عالأحبــــاب قفلــت السـكر
السكر قفلت عْلى الأحباب ........ بغــــاليين ومفتــــاح وبـــاب


........................... وبابين وغال ومفتاح ...................